14DAYS

未滿月就要去健康院檢查是常識吧！

今日終於有2.43kg啦，不過仲係輕磅。

係健康院見到好多好大隻既BB，

再望下自己個個真係相差好遠...

除左問下食奶既情況，

仲會問一日幾多人奶幾多奶粉

同一日幾多條片有便便，

醫生仲會幫呀B做左四肢檢查。

最近呀B手腳都甩緊皮，

婆婆話甩皮先會大得快，所以唔洗擔心！

♪（ｖ＾＿＾）ｖ加料，送上鼓汁鳳爪ｖ（＾＿＾ｖ）♪

5DAYS

3DAYS

EARLY BABY.

有時聽見催生這字眼可能會感到可怕，尤其係醫生要我催生既時候，心入面不停諗「到底過程係點？」。
雖然生既時候姑娘會話你知，但係事前點都想有充足既心理準備。

催生分為三個步驟：

1. 塞藥－讓子宮頸成熟並張開
2. 人工穿羊水－不穿寶寶就出不來
3. 注入催生藥－加快產程

1. 塞藥

首先，姑娘會幫你填好資料，之後換衫留小便。
換好衫就會有醫生來檢查子宮頸成熟未，未成熟就要塞藥。
催生的話子宮頸一般都未成熟！而且塞藥只有三次機會，三次都無反應就要開刀。
塞藥後就係等反應，不時會有姑娘幫你照胎心機，睇下BB係入面既活動情況。
當有反應就會將你轉移到待產室，去到待產室姑娘會幫你種黃豆，因為個度唔可以飲食同用電話。
駁好胎心機之後，就可以叫先生入去陪太太陣痛。

2. 人工穿羊水

塞藥既藥效會視乎個人體質，有人反應會好大，所以BB心跳不穩定。
人工穿羊水一定要等藥效過、BB心跳穩定先可以進行。
穿水後姑娘會檢查宮口開到幾多度，如果開到三度以上就可以落產房準備。